Alpen Challenge vom 06.08.2017 mit dr Esther u em Hubi

Letscht Sunnti bini d’Aupe Challenge im Graubünde mit dr Esther, woni i de Veloferie z’Giverola kenne glehrt ha, gfahre. U es het mi o sehr gfröit, dr Hubi, e Kolleg vor Esther kenne zlehre. Mir si bereits am Samschti Nami agreist (bi schönschtem Wätter!), da dr Start am Sunnti am Morge früeh isch gsi. Sie de no hurti ufs Velo u ungerwägs hei mir e Zwüschestopp mit Käffele u e chline Verpflegig ygleit. D’Wätterprognose füre Sunnti hei doch hie und da Räge vorusgseit. Mir si de am 7i troche bi rächt agnähme Temperature aber mit viu Wulche am Himmu gstartet. Bereits am Albulapass hets afa niesele u später isch de es Gwitter mit heftigem Räge drzue cho, wo sech bis und mit Julierpass dürezoge het… dert obe u vor auem äne abe hei mir rächt müesse uf Zähng biisse, isches doch sehr chaut u nass gsi! Es sige zwar öpe 10 Grad gsi, aber zäme mit däm viele Räge si das gfüeuhti -3 Grad gsi *pfui* u mir hei bir Abahrt nüm ganz aui Körperteili gspürt u mir het sogar teuwis dr Chifer gschlotteret… nei du, setigs Wätter wünschi mir de ar Tortour auso nid! :-O Mir si froh gsi, hei mir üs beidi gha – so nachem Motto «geteiltes Leid ist halbes Leid» 😉 Gwüssi Manne hei de fangs chli afa schwächle u d’Esther u ig si trotz auem no guet zwäg gsi u si näb ne düre gstramplet, hei mir üs doch o ume müesse ufwerme 😀 I gloube, ufghört rägne hets ersch öpe 10 km vorem Ziu u ernöit agfange öpe 2 km vorem Ziu…wär nid no nötig gsi :-/ I gloube, di warmi Duschi isch üsi Rettig gsi, gäu Esther 😉 U am Schluss hets de no es aukohoufreis Bier u e Portion Pasta gä (für die wo hei möge). Trotz däm miserable Wätter hani die Tour mit dr Esther sehr gnosse – MERCI hani di dörfe begleite!

Newsletter 

 

Sponsoren 

 

Nächster Anlass 

 

Impressum 

 

Kontakt 

 
Bikeschule Olten
Fabian Spielmann
Brückenstrasse 48
4632 Trimbach
___________________
Phone: +41 (0)79 417 26 23
Email: info@bikeschule-olten.ch